節目

一味傍身 世界通行 – 第18集 蝦多士、懷舊冷糕

簡單一片方包,加上蝦肉,再配合廚師心機,搖身一變成為矜貴懷舊菜式。一身金黃的蝦多士,就好似一片金磚,吸引食客眼球。原本軟綿綿的麵包炸完後變得酥脆,蝦肉既有鮮甜味,又有爽彈口感!

今集Chef4的昌哥邀請名廚好友Jacky (余健志) 做嘉賓,先去品嘗坊間少見的手工菜式「蝦多士」。回到廚房,Jacky決定為蝦多士注入新元素,蝦肉配搭墨魚膠,再加入無人不歡的芝士,炮製新煮意「芝心蝦多士」。而昌哥則復刻「懷舊冷糕」,重現傳統美味。Jacky再為冷糕增添多一層美味,教大家製作「海鹽芝士奶蓋配花生醬」。兩者配搭,天衣無縫,味道一絕。